Obbo Maatiyoos Sabboqaa

"Akkam jirtu! Maamiltoota keenya kabajamoo! Biiroon Dargaggoo Fi Ispoorti Oromiyaa Misooma hunda gala dargaggoo fi Ispoortii fiduun hawaasa balla irraa fayyadamaa taasisuun badhaadhina biyyaaf ga’ee isaa ba’achuu irratti argama. Hojiin misooma dargaggootaa hojii qaama tokkoon hojjetamu osoo hin taanee hojii sekteroota mootummaa qindeessuun karaa gurmaa’een hojjetamu dha. Kanaafis idileeffannaa dargaggootaa lafa qabsiisuun, fooramii dargaggoo fi mootummaa cimsuun fayyadamummaa dargaggootaa sadarkaa barbaadamutti oli guddisuuf xiyyeefannoo olaanoon kan hojjetamu ta’a. Giddu gala dargaggootaa ballinaa fi qulqulinaan akka jiraatan taasisuun dargaggoota keenya bakka hin malletti yeroo isaani akka hin balleesineef ni hojjetama. Waltajjii bal’aa uumuun dargaggoon keenya danddeettii siyaasa isaa akka guddifatuu, ilaalchoota gufuu badhaadhina biyyaa ta’aan irraa akka walaboomu kan hojjetamu ta’a. Dargaggoon keenya quuqamaa fi jaalala biyya isaaf qabuu tolaan biyya isaa tajaajjiluun akka ibsatu, Hojii Tajaajjila lammummaa irratti balinaan ni hojjetama, akka hirmaatus ni taasifama. .

Misooma ispoortii gudisuu fi hawaasa fayyaa qabu horachuuf hojiin hojjetamuu hojii adda ba’ee ilaalamu miti. Sochii ispoortiif xiyyeeffannoo kennuun hojjechuun barbaachisaa ta’a. Misoomaa hunda gala ispoortii keessattii gurmaa’iinsii ispoortii idoo olaana kan qabu yommuu ta’u gurmaa’iinsa cimaa ta’e uummun ispoortii bu’uuraa hawwaasa akka qabaatuu taasisuu keessattii idoo olaa qaba.